"Ayoko Nang Ibalik Yung Dati"
Submitted by: Jan Emmanuelle Saet Paguntalan
 |
| Photo By: Jan Emmanuelle Saet Paguntalan Hindi ko alam kung maibabalik pa ba, O kung sakali man ay may mababalikan pa. Ang sabi kasi nati'y ang lahat ay tapos na, Ngunit ngayon tila ba ay may nagbabadyang isa na namang bagong kabanata. Maibabalik pa ba natin ang dati? Hindi, ayoko. Wag na nating ibalik yung dati. Hindi ba? Sinaktan lang naman natin dati ang ating mga sarili. Kaya nga sa huli ang pagbitaw nalang ang ating pinili. Ayoko nang ibalik ang dati... Kasi ang gusto ko ay ang magsimula tayong muli. Magsimula tayong muli ng panibagong umpisa, At sa pagkakataong ito ay gawin na nating tama. Wala nang siraan ng tiwala, Wala nang pangakong hindi magagawa. Maari ba? Na ikaw at ako, tayo, tayo ulit? Tayo nalang? Tayo nalang ulit hanggang sa huli. Ngunit ako'y natatakot, Natatakot na sa muli kong pagsugal ay maulit na naman ulit, Na maranasan natin muli ang sakit, Na maranasan nating muli ang hagupit, Hagupit ng tadhanang pinaghiwalay tayo ng pilit. Pag lumaban ba ako ngayon, Ay lalaban ka din? Pag sumugal ako ngayon, Ay susugal ka din? Pag nag-umpisa ba tayo ngayon, Ako naman ang iyong pipiliin? Wag ka na munang magsalita, Bagkus ay patunayan mo sa gawa. Dahil sawa na ako sa mga salitang naiiwan na lamang sa dila, Pagkatapos kinabukasan ay wala. Sa ikalawang pagkakataon, Buksan natin ang panibago nating istorya, Bigyan natin ng tsansa ang isa't isa. Hangga't maari pa, Hangga't pwede pa, Hangga't ang pagmamahal sa puso natin ay andyan pa at hindi pa humuhupa. Tignan natin kung hanggang saan tayo aabutin, Kumapit kang muli sakin, At sabay nating tahakin, Nang magkasama ang daang ating pipiliin. Lumaban tayo, hangga't makakalaban pa, Ang poot at sakit ay ating iwan na. Ngayon ay tatanungin kita, Mahal, handa ka na bang mag-umpisa? |
Posts
No comments:
Post a Comment