Masakit man ngunit kailangan

Nag-umpisa sa tinginan
Nag-usap ng biglaan
Unti-unting nagkilanlan
Kaya naman agad nagkapalagayan

Pagkakaibiga'y lumalim na
Dumating sa puntong parang iba na
Tuwa'y di maipaliwanag, nadaramang kusa
Ngiti sa labi'y makikita na lang bigla

Pintig ng puso'y pinapakiramdaman
Bulong ng isip, dinidiktahan
Tila ba may mali sa kinakalagyan
Ng dalawang batong nag uumpugan

Hinihiling na sa pag gising, hindi na maalala
Mga bagay na nagpapasaya sa bawat isa
Kasalukuyang pilit na binabalewala
Para ang koneksyon hindi na lalong lumalim pa

Masakit man ngunit kailangan
Pigilan ng biglaan ang nararamdman
Paki-usap gawin natin ito ng sabayan
Nang sa gayon hindi na lalong mahirapan

Paalam na....
Paalam na sa aking kaibigan
Iwanan n ang nakaraan
Mag umpisa tayo ng walang pagkakakilanlan...

—Oslec

Pages